Fræga fólkið þennan daginn.

Allt þetta fræga fólk.

Vissuði að Alexandra greifynja, fyrrum prinsessa af Danmörku er að skilja við heita stráklinginn sinn sem var eitthvað um 40 árum yngri en hún. Hún var áður prinsessa því hún var gift Joachim prins en þar sem þau skildu, varð hún að afsala sér titlinum og fékk greifynjutitilinn í staðinn. Og fær 2,1 milljónir danskar á ári frá ríkinu fyrir að vera greifynja.

alexogmartinblottersigmadon-jpg

Það tók ein þéttingsfast utan um upphandlegginn á mér á fimmtudaginn og spurði: „hefurðu heyrt að Alexandra er að skilja?“ 

Ég var ekki með og svaraði því: „nei, ég þekki ekki Alexander, hann var hættur þegar ég byrjaði (á Gjörinu)“:

Hún: „NEI ALEXANDRA… GREIFYNJAN! HÚN OG MARTIN ERU AÐ SKILJA!!!“ Síðan setti hún upp skeifu.

Ég sagði að mér væri svo innilega sama, jafn sama og hvort Sigmundur Davíð gengi með maskara eður ei. (Kem að því seinna).

Hún sagði að manni gæti ekki staðið á sama, Alex væri svo indæl.

Indæl…? Já reyndar er hún það, alveg eins og Mary, Maria, Frederik, Joachim, Magga og Henrik kóngur. Ekkert út á þau að setja sem persónur, öll afar indæl. Og falleg. Og fallega klædd. Og fallega greidd. Jú jú það er það sem þetta gengur út á. Glansmyndin.

Með árunum verð ég meira og meira á móti Kóngahúsinu sem stofnun. Því hún kostar svo mikið. Og það er ekki nóg með að þessi sex upptöldu séu á svimandi launum, heldur systkini, móðursystur, mæðrabræðrabörn og fráskildir líka. Allur ættbálkurinn lifir í vellystingum og vínberjum.

Þá segja margir: „já en þau auglýsa Danmörk svo mikið út á við… þau eru svo mikil landkynning. Þau sjá um að peningarnir streyma inn í landið…“ Þetta las ég reyndar einu sinni og trúði því.

Já nei, það er misskilningur. Fyrir þessi svimandi laun og lúxuslíf í öllum ljómanum, gera þau varla handtak. Og það þarf engin að segja mér að túrisminn né eitthvað annað vaxi þótt Mary sé kosin best klædda kona heims af einhverju tískutímariti. Hún gengur ekki bara í danskri hönnun, síður en svo.

Ég veit þetta með vissu því ég fylgi síðu á facebook sem styðst við gagnreynda þekkingu á stundatöflu dönsku kóngafjölskyldunnar. Samkvæmt henni eru helgarfríin í það lengsta. Stundum ná helgarfríi saman hjá þeim öllum. Einstaka sinnum þarf eitthvert þeirra að fara í boð til Aarhus eða á landsleik í fótbolta. En bara einstaka sinnum.

Ef þið skiljið dönsku og viljið líka fylgjast með þá er þetta síðanFyrir utan að opinbera stundarskrána þeirra, þá er þetta líka bráðfyndið sett upp, finnst mér. 

Hafið þið heyrt um danska geimfarann? Þennan sem fór um daginn og er komin aftur. Fyrsti Daninn úti í geimnum? Allt voða spennandi og merkilegt.. fátt annað í fréttunum ef frá er talið flóttafólkið. Nei, þarna er ég að fara með fleipur. Geimfarinn hefur verið sem minnst í fréttinum… mamma hans stal sviðsljósinu algjörlega. Það er hún sem hefur verið stanslaust í bæði fréttum og útvarpi. Sama og ekkert hefur verið sýnt frá þessum geimfara. 10489891-astro-morNú vitum við hvað mamman borðar, hvernig hún sefur, að hún sé hætt að hafa blæðingar og nákvæmlega hvernig henni líður. Já sú gamla fékk sko athyglina.

Ég minnstist á Sigmund þarna áðan. Að mér væri sama hvort hann væri með maskara eða ekki.

Ég er farin að halda að ég sé frekar takmörkuð gáfnalega séð því ég skil eiginlega aldrei hvað Sigmundur Davíð er að meina þegar hann segir eitthvað. Sjálfur forsætisráðherrann. Ef maður ætti að skilja einhvern þá væri það hann.

En hitt er annað mál að ég skil vel að hann hafi sig til. Það geri ég sjálf. 17980628004_275798b5b3_z

Ég læt alltaf plokka á mér augabrúnirnar og lita. Það er fyrir mér bara svipað og að bursta tennurnar. Hann Sigmundur er bæði velklipptur og vel plokkaður. Húrra fyrir honum. Vel gert. Snyrtifræðingurinn hans hefur einn hitt á hárrétta litinn á augabrúnunum því nú passar allt saman, bæði andlit og hár. FALLEGT. Ég hef líka alltaf verið svolítið hrifin af appelsínugulum. Hárfína augnblýantslínan er til að skerpa augnaráðið og máttur orðanna verður mögulega meiri. Án þess að hann verði skýrari. Og alveg eins og ég geri… punkturinn yfir i-ið; maskarinn. Engin ætti að fara út á meðal manna maskaralaus. Þetta veit háttvirtur forsætisráðherra. Hann er nefnilega ekki svo þunnur þrátt fyrir allt.

Annars var ég að hlera sveitasímann á Héraðinu í dag og heyrði að það væri fjölskyldusameining að eiga sér stað í Hlíðinni? Er þetta rétt? Að það sé engin tilviljun hvar Sigmundur valdi lögheimilið?

Ja hérna. Ég hef þá ekki verið svo fjarri málunum fyrir ári síðan… Sjá hérna. (Best að hafa þetta grænt). 

 

 

Skildu eftir svar

Netfang þitt verður ekki birt. Nauðsynlegir reitir eru merktir *