high school musical og nefbrot…

Í gærkvöldi fóru stelpurnar á High school musical í Alsion… fyrir hundaheppni fengu þær 2 síðustu miðana… og þar sem það voru bara 2 eftir fóru þær einar. Mig langaði líka… sérstaklega þegar ég sá lookið á aðalleikaranum sem leikur Troy…

Þegar við sóttum þær spurði ég: „hvað var gaman frá skala 1-10?“
Svala: „10 því Aldís var með mér… annars hefði bara verið 9“
Aldís: „9 því það er ekki hægt að gera þetta fullkomið…“
Svölu fannst stóra systir sín svoldið cool því hún þekkti svo marga og sagði endalaust „hæ“
Aldís setti mest útá röddina hjá Sharpey…

Þetta var allavega mikil upplifun fyrir tvær pæjur sem eru „high school musical-kynslóð“…
ég var of ung þegar Grease réði ríkjum!

á meðan stelpurnar voru í Alsion fórum við Fúsi á Ib, borðuðum rækjur og skoðuðum klámblöð. Þar á eftir fórum við á Penny, styrktum heyrnalausa pólverja og drukkum carls special úr skítugum glösunum.

Um daginn þegar ég fór til læknisins vegna míns eilífðarvandarmáls (sem lætur mér líða eins og ungling) ræddi ég annað ákveðið mál við hana… e-ð sem ég hef pælt í í mööörg ár en aldrei gert neitt við.
Læknirinn minn sagðist ekkert vit hafa á svona málum og vísaði mér til háls, nef og eyrnalæknis niðrá Perlegade. Þar fékk ég tíma eftir 2 vikur (ekkert sem lá á) og lét mig hlakka til.
Læknirinn var skemmtilegur… uppfyllti óskirnar mínar og ég hitti að auki gamla bekkjarsystir sem er að vinna hjá honum.

Hann kontaktaði sjúkrahúsið (háls, nef og eyrna amb)og bað þá um að gefa mér tíma… aftur leið stuttur tími og í dag var tíminn minn.
Læknirinn mumlaði e-ð…: „hmm nasale fraktur… skæv næse…“. Og svo sagði hann hátt: „hvenær nefbrotnaðirðu?“
Ég: „nefbrotnaði…!!! Aldrei!!!“
Læknirinn: „ jú jú það er alveg greinilegt… varstu að slást í bænum?“
Ég: „ég man það ekki… má ég senda sms?“

Nei þetta með sms´ið sagði ég ekki! Bara djók í ykkur…

En ég hef semsagt nefbrotnað einhverntíman á ævinni og er með skakkt nef.
Læknirinn sagði líka að það væri undarlegt að ég skuli ekki hafa tekið eftir því… hvort ég eyddi virkilega svona litlum tíma fyrir framan spegilinn?
Ég sagði honum að ég væri skizo og það væru ekki speglar á mínu heimili.

Mér var gefin tími í aðgerð og svo fórum við í gegnum nefmöppuna til að velja nef… ég valdi mér Michelle Pfeiffer nef.

Svo var ég „preiuð“ (gerð alveg klár í aðgerð) og anæstasilæknirinn talaði meðal annars um róandi f aðgerð. Aha hugsaði ég… þarna er tækifærið… ég er alltaf að hella m.a. dormicum í sjúkl mína… nú má ég fá… held ég þiggi þetta bara þar sem mitt líf er svo „clean“… aldrei neinn sem bíður mér neitt… já ég held barasta að ég þiggi róandi… líka til að vera reynslunni ríkari… þá get ég sagt við sjúkl að ég hafi sjálf prófað… hehe nei glætan.

Þannig að það er bara að hoppa upp í rúm þegar ég mæti næst… skella í sig dormicum og hafa það gott. mér finnst þetta fín þjónusta… ég er svo persónulega græn í svona að ég bjóst við miklu meiri bið í þetta allt. En nei nei gengur eins og smurt.

núna er páskahret… eða e-ð í þá áttina.