Um mig

Ég heiti Dagný Sylvía Sævarsdóttir, er fædd 1975 á Seyðisfirði og uppalin á Tókastöðum í Eiðaþinghá. Í fríum fór ég til pabba í paradísina (að mér fannst) á Akureyri þar sem hann bjó nánast við hliðina á Bláa Turninum (sjoppunni) á horninu á Norðurgötu og Gránufélagsgötu. Þar gat ég líka labbað í sund. Það var það besta.

Árið 1993 kynnist ég Fúsa frá Fellabæ city. Við eignuðumst tvær dætur, Aldísi Önnu ´95 og Ásrúnu Svölu er fædd ´97. Aldís býr í Stokkhólmi og Svala býr í Kaupmannahöfn.

Aldis 049 FB ©Patricio Soto(Þessi mynd er tekin í júni 2014 þegar Aldís varð stúdent. Ljósmyndari: Pato Soto)

Árið 2001 fluttum við til Sönderborgar í Danmörku í ævintýraleit. Fúsi sem var smiður, lærði tæknihönnun og hefur verið hjá sama fyrirtækinu síðan. Ég fór krókaleiðir og endaði á að læra hjúkrunarfræði, síðar gjörgæsluhjúkrun og vorið 2017 kláraði ég þriggja ára diplómanám í klínískri kennslu. Ég starfaði á gjörgæslunni í Sönderborg í sjö ár og í ágúst ’17 sagði ég upp og fór í afleysingar til Noregs á vegum Power Care. Í júní 2018 greindist ég með krabbamein í eggjastokk og fór í lyfjameðferð í kjölfarið af því. Vorið 2020 byrjaði ég aftur að vinna og valdi gamla vinnustaðinn minn Gjörið. Í febrúar 2021 söðlaði ég um og hóf störf á Vöku og sængurkvennadeild á sjúkrahúsinu í Aabenraa.

Árið 2013 fluttum við  inn íslenskan fjárhund frá Íslandi því nágranninn hafði fengið sér 12 hænur. Okkur fannst tilvalið að búa til sveitaumhverfi í miðbæ Sönderborgar. Við völdum íslenskan því sú tegund er eina hundategundin sem mögulega skilur okkur. Vaskur er einn sá besti félagi sem hægt er að hugsa sér.

Þó svo að okkur líki stórvel í Danmörku, eru ræturnar klárlega á Íslandi og þá sérstaklega fyrir austan. Héraðið, Loðmundarfjörðurinn og Seyðisfjörðurinn eru í sérsöku uppáhaldi.

Þið finnið mig einnig á: 

Facebook: Alrunarblogg

Instagram: alrun75

 

 

 

 

 

 

This message is only visible to admins.
Problem displaying Facebook posts.
Click to show error
Error: Server configuration issue