Um bloggið

Þegar við fluttum til Danmerkur árið 2001 byrjaði ég að skrifa tölvupósta til nánast allra sem ég þekkti sem voru með netfang heima á Íslandi. Ég skrifaði um allt og ekkert og hafði gaman af.

Ég byrjaði að blogga árið 2004. Við keyptum dómeinið alrun.com og gerðum heimasíðu og bloggið varð hluti af henni. Með tilkomu Facebook hvarf heimasíðan í skuggann en bloggið hélt sínu striki.

Snemma í bloggferlinum skipti ég um bloggsvæði og þurfti að flytja allar færslur yfir handvirkt. Það fórst því miður eitthvað fyrir og því fyrsta árið glatað.

Ég hef alltaf bloggað um allt milli himins og jarðar. Þó ekki verið með hefðbundið matar né lífsstílsblogg. Og stefni ekki á það. Ég hef bæði verið á alvarlegu nótunum og í bullinu.

Ég hef gengið í gegnum tímabíl svo sem: slettutímabilið – nýyrðatímabilið – Danmerkurdýrkunartímabilið – Íslandsdýrkunartímabilið og núna er tungutímabilið  þar sem ég reyni eftir bestu getu að skrifa eins rétta og hreina íslensku og ég mögulega get.

Fyrstu árin notaðist ég ekki við myndir en í dag nota ég þær mikið. Ég tek þær sjálf nema ég taki annað fram eða þær séu augljóslega teknar af netinu.

Njótið vel og endilega ekki taka mig of alvarlega nema þar sem við á.

Sjáumst á skjánum

Kveðja Alrúnarbloggið

———

Þið finnið mig á:

Facebook:  Alrúnarblog

Instagram: alrun75

Snapchat: alrun

Twitter: alrun75